Ari Nombor....
Enti ngenang ari tu ari 3 (Wednesday) lalu aku teringat ke sari tu nya ari orang bebeli ka numbur sebelah Magnum,Toto,Sweep enggau Da Ma Cai. Kala ga enggau urang nguji ke nasib meli 4D enggau 6D,tang nadai ga tentu mujur. Kala ga kena RM60 enggau RM 180 tang meh nadai kala lebih ari nya. Lebuh ke kena numbur nya tadi ukai main pengaga ati amat meh nya enda ta berupai mayuh tang pama meh,ku jaku.
Aku becerita pasal numbur tu ukai ka ngasuh kita bebeli ka 4D tang deka bekungsi sekeda ulah bala orang ke meli 4D nya tadi. Bisi sekali aku enggau pangan aku meli 4D di siti tempat di Bandaraya Kuching.Aku enda tama ke dalam kedai 4D nya tadi laban kelalu mayuh amat orang,tak pupu bangsa di peda aku. Maya nya nyau lemai kira pukul 5 lalu. Nyadi enda jauh ari pangan aku ke bebaris ka meli 4D nya tadi bisi siku nyonya lalu selang 2 iko antara nyonya nya tadi bisi siku lelaki,tang enda nemu bangsa apa. Nyau ke puas bebaris nya tadi lelaki nya lalu nginsap dalam kedai 4D nya tadi. Orang ga ngemayuh nya,pia ga angat bendar asai ari sari nya.
Tembu ke merening orang bebaris dia aku merati ka nyonya nya tadi nya kenanas nutup idung ia ngau jari ama nya ngena baju ga tudah tuai. Nyau kepuas ia betutup ke idung dia ia lalu bejaku enggau lelaki nya tadi nama kebuah ia nginsap ba puak urang mayuh lalu nadai bebasa ke orang ke sama bisi bebaris dia. Lelaki nya pun lalu nyaut nyonya nya munyi tu "suka ati saya la,lu apa peduli" pia ku lelaki nya tadi. Nyonya nya pun lalu majak ga bejaku enda ngasuh ia nginsap. kepuas-puas ia ninga nyonya nya bejaku dia lelaki nya lalu baka deka nyamah nyonya nya tang meh sempat di tagang bala mayuh td.
Semua orang ke bisi semak nya bela beperening ka seduai ia. Enti nitih ke amat enda patut ga lelaki nya nginsap ba puak orang mayuh baka nya. Ia patut nemu enda semua orang ke bebaris dia tan ensium asap insap ia. Kelebih agi asap insap nya enda manah di sintak ke lalu tau mai penyakit enti selalu nyintak ke asap insap. Pia mega kitai enda nemu pengerai siku-siku orang ti bebaris dia. Bisi sekeda orang ke asma enda tentu tau nyintak asap insap. Baka tudah diri ti bisi masalah enggau ENT amat enda tentu tan nyium asap insap laban nya ngasuh idung gatal lalu ka bekasi udah nya lalu berinsak. Nya alai ngagai bala ke amat nginsap ba puak orang mayuh perati ke meh orang ba sepiak kiba kanan kitai. Anang tak sebarang aja nungkun. Bisi sekeda terunda-runda nginsap ba tempat ke endang udah di letak atur ti enda tau nginsap.
Parking Space...
Kira2 15 minit sebedau aku nulis ba blog tu aku benung meda Blog Gosip sekeda artis kitai ba Malaysia tu. Mayuh macam perkembangan bala artis ti ulih di baca lalu di pejurai ka bala peminat blog gossip. Ukai main agik tudah diri maca komen ari bala pemacha blog gossip nya tadi. Bisi ga aku enggau bala sida bekomen ke gossip nya tadi.
Nyau pemuas macha komen nya tadi dia aku tak tekenyit ninga munyi hon kereta inggar amat ba luar office ti endur aku kerja. Apuuu... nama utai nya pia ku aku bejaku kediri dalam ati. Majak ga aku enda peduli engka bala apai indai anembiak ke beambi enggau beanjung ke anak tuisyen english nya semina hon ke ukoi aja kini. Laban office ti endur aku kerja enda jauh ari siti tempat belajar jaku bahasa Inggeris nya alai tak enda tentu peduli ti semina hon ke sekali dua baka nya. Endang sigi gaya nama udah begaut ka pulai. Nemu aja la ka ngelari ke diri ari jem di Bandaraya Kuching tu. Ni munyi bala anembiak nyau Chapuh Bekerauh agi. Mayuh ke endang enda temu leka laban tebal agi sida ke tuisyen di aendang raban bangsa cina. Bisi mega Bumiputra tang ulih itung enggau jari aja.
Kira antara 5 minit dinga aku bemunyi baru hon kereta, tang ukai siti kereta aja ke nekan hon tak nyau ka semua kereta ka jem dia tadi memunyi ke hon. Nyau enda liat ati ka nemu nama kebuah kereta nya tak balat bendar memunyi ke hon dia aku pun baka tekura mansut ke diri ari sarang, nemu nya sida memunyi ke hon ketegal siti kereta ti blok jalai urang ti deka pansut ari simpang ba tisi office ke endur aku kerja. amat enda patut ga orang nya ngengkah ke kereta ia ba sukut ke baka nya laban ia nenggul pejalai kereta bukai. Dia aku meda cukup balat pemedis ati indu ti enda ulih mansa jalai nya tadi. Kereta indu ti enda ulih pansut nya tadi ia nya Toyota Harrier, kitai sama nemu pemesai kereta nya. enti nyema baka Perodua kancil pun tusah ka mansa ketegal jalai kelalu mit amat.
Kereta ke ngempang jalai nya tadi siti Kereta toyota Sedan enda aku ingat nama kereta nya tadi. Yang di ingat aku kereta nya warna purple. semua bala orang ke kerja ngelingi nya pun bela pansut ari office magang laban deka nemu nama hal ti nyadi. Nyau kepuas- puas dia indu cina nya pun hon baru meda lalu bedau gak orang ke empu kereta nya datai mindah ke kereta ia. nyak sesengit bala deka nemu sapa empu kereta ti enda beradat nya. Kira 10 minit udah nya peda siku nyonya cina datai lalu masuk ke dalam kereta nya. Dia semua bala ke bisi dia BOOOOOOOO...... ke ia pa pemedis ati. Aku bisi ka geli ati bisi mega pedis ati ngenang pemeli nyonya cina nya tadi.
Udah ke masuk dalam kereta,nyonya cina nya pun nginsit ke kereta ia. Nginsit MIMIT aja nya, ukai parking mindah ke tempat ke enda nanggul arus pejalai kereta bukai. Dia Indu cina ke ngena Toyota Harrier nya balat bendar deka mansut ke diri tang enda mega ulih ketegal kereta nyonya nya agik nanggul pejalai kereta ia. Nyau kepuas- puas dia datai siku apai tuai orang engka tak iban enti ukai Bidayuh lalu ngetuk pintu cermin nyonya nya lalu madah " ehh.. nuan enda tau parking ditu, start engine kereta nuan lalu parking ba tempat bukai" (translate to bahasa iban) pia ku apai tuai nya. Tang meh semina nginsit mimit aja ga nyonya nya tadi. diatu baru ulih kereta indu cina nya mansa. Engka enda nemu malu kini nyonya nya.
Nya alai ba tempat bala mayuh kitai enda tau sengapa rembang suka ati kitai ka parking kereta. Nama guna orang nyedia ke tempat parking ti enda alai kitai parking deh??? ukai baka enggi bala apek di pasar din simpan ke kerusi. Anang ketegal pemeli kitai siku-siku lalu ngenusah ke orang bukai.
Aiskrim & Bun.... Nyamai!
Lebuh maya ke sakit tu selalu mega pengingin ati deka makai asi endang sigi kurang amat asai aku. Asi di empa tak enyau pahit jak di asai ke nyawa tu. Nyadi lebuh ke bisi bejalai ngagai supermarket H&L di Bandaraya Kuching ujung minggu tu tadi tak ingin amat asai ati deka makai Aiskrim Enggau Bun. Sapa-Sapa bala kita ke kala makai asiskrim enggau bun mesti kita nemu nama reti utai ku aku ditu.
Apuuuuu neyyyy..... naka naka ngemasuk nya gak nyawa makai aiskrim nya tadi di tambah ke utai nyau chelap. anang agi tudah diri benung angat dalam asai. Tang meh udah nya lalu batuk enda nemu agi. Ati sigi nadai nesal walaupun batuk udah nya laban udah tepantup ati makai aiskrim enggau bun nya tadi. Enti maya sakit aku sigi rindu bepakai ke pemakai ke chelap baka ABC, Aiskrim kelimpah ari ka ngirup ai 100 plus. Engka nyangka ba dalam tubuh angat kini. Tang semua tu tepulai ngagai kitai diri empu. Bisi sekeda orang enggai makai utai chelap maya ke sakit laban nya semina nambah ke sakit tapi bagi aku nya salah siti cara kena aku nyelap ka dalam.
Ukai nama nyau tepejuh makai ABC tauka aiskrim nya laban suah ga aku udah nguji ngena Koolfever Patch khas untuk orang tuai tapi nadai ga insur tembu ka muai duit jak meli sepacket mar bendar.
Sigat Tuai
Maya Ninga Lagu swaylin tu mesti ingat ke leka lagu tu ti selalu di petalat ka bala peninga ba sebelah Youtube. Bisi sekeda peninga endang nyukung lagu tu laban rindu ninga leka lagu tu lalu rindu ninga patah nyawa ari penyanyi Swaylin empu. Bisi sekeda bala peninga ke balat bendar enda rindu amat ati lebuh ninga leka lagu tu. Bala peninga madah ke leka lagu tu leka lagu urang "Butang" enggau macam-macam agi meh comment bala sida. enti di perati ke amat-amat engka amat bisi mansa ba bala orang ke kala di keduan bala sulu laban sulu ke udah di tembu curang enggau indu tauka lelaki bukai..
Tapi bagi aku empu tu semina leka lagu aja. Anang meh kitai bala peninga jampat ringat lalu ngambi ati ba pekara ke baka tu. Fikir aja ari sukut ti positif. Ni ia ke manah ambi meh nyadi ke teladan lalu ni ia ke enda manah ambi nyadi ka sempadan. Kitai patut nyukung industri musik kitai iban. Laban ti enda kitai iban empu nyukung industri musik iban, sapa agi ti ka nyukung enda pia? Aku ukai mega menggalakan utai ti enda manah dalam pengidup kitai sari-sari tang laban nya semina leka lagu aja.
Enti semina di kena beperindang nadai salah. Anang Kitai udah ninga leka lagu tu lalu bendar amat betalat ke leka lagu tu ti tau ngujung ke kitai enda nyamai ati enggau pangan diri.. Idup Muzik Iban!!
Ujung Minggu...
Halo....
Lebuh ke diri baka tu memang sunyi amat asai ati. Bala sida apai enggau indai serta aki inik pun jauh di menua. Nyau seilu-ilu asai ati di tambah ke renga (demam) kenyau ari enam (saturday) tu tadi lalu bedau gerai, tang semina belansur kurang agi. Di tambah mega batuk nyau gatal bendar rekong sepi aku. Udah mega tudah diri meli ubat flu enggau ubat ba sebelah pharmacy di bandaraya Kuching tu tang bedau tentu nyamai bendar asai isi. Bisi sekeda madah engka laban ari kadang-kadang panas tauka kadan-kadang ujan.
Bisi sekeda bala pangan ngasuh aku ngirup aik 100 plus laban 100+ tu aik irup isotonic ulih ngurang ka hidrasi dalam tubuh lalu ulih ningkat ka metabolisma dalam tubuh kitai. Udah ga tudah diri nguji tang lalu bedau ga asai nya. Hehehe.... ka betemu ngau bala lutor gik bedau tu.
Subscribe to:
Posts (Atom)